दरम्यान, विनायक राऊत यांनी दोडामार्गातील एकंदरीत परिस्थितीचा शिवसेना (ठाकरे गट) उपजिल्हाप्रमुख बाबुराव धुरी यांच्याकडे आढावा घेतला. यावेळी तालुक्यातून सुमारे ८० टक्के मतदान हे इंडिया आघाडीलाच होणार असल्याचे त्यांनी राऊत यांना सांगितले. येथील पिंपळेश्वर सभागृहात राऊत यांची सभा होती. सभेला उपस्थित होताच राऊत यांनी श्री. धुरी यांच्याशी चर्चा केली. तालुक्यातील एकंदरीत जनमताबाबत आढावा घेतला. मतदारांच्या समस्या, अडचणी काय आहेत? याबाबतही माहिती घेतली. यावेळी तालुक्यात इंडिया महाआघाडीच्या बाजूने जनमत असल्याचे धुरी यांनी सांगितले. गावागावात जोरदार प्रचार सुरू असून सुमारे ८० टक्के मतदान हे इंडिया आघाडीला होणार असल्याचेही धुरी यांनी राऊत यांना सांगितले. मतदानाचा दिवस जवळ येत असल्याने पक्षासाठी जोरदार काम करा, अशा सूचना राऊत यांनी केल्या.