३८ ( पान ३ साठी )
-----------
कदम, अल्वी विरोधात तक्रार

अपक्षाविषयी अपप्रचार केल्याचा आरोप

रत्नागिरी, ता. २९ : रत्नागिरी- रत्नागिरी सिंधुदुर्ग लोकसभा मतदारसंघातून निवडणूक निर्णय अधिकाऱ्यांकडे तक्रार दाखल झाली आहे. शरद पवार गटाचे नेते आणि माजी आमदार रमेश कदम आणि रईस अल्वी जिल्हाध्यक्ष अल्पसंख्यांक यांच्या विरोधात कोकण प्रादेशिक पक्षाचे समन्वयक आणि वकील ओवेस पेचकर यांनी तक्रार दिली.
धर्माच्या आधारे रत्नागिरी सिंधुदुर्ग लोकसभा मतदारसंघातील अपक्ष उमेदवाराविषयी अपप्रचार होत आहे, असा आरोप कोकण प्रादेशिक पक्षाकडून निवडणूक निर्णय अधिकाऱ्यांकडे तक्रार केली आहे. कोकण प्रादेशिक पक्षाचे समन्वयक आणि वकील ओवेस पेचकर यांनी तक्रार दिली. शकील सावंत रत्नागिरी सिंधुदुर्ग लोकसभा मतदारसंघातील अपक्ष उमेदवार आहेत. त्यांच्या विरोधात सोशल मीडियावर व्हिडिओ मजकूर व्हायरल केल्याचा दाखला देत आचारसंहिता भंग केल्याप्रकरणी देखील तक्रार दाखल करण्याची मागणी अॅड. पेचकर यांनी केली आहे.