८०७६८

राणेंच्या विजयासाठी
मसुरे येथे साकडे
सकाळ वृत्तसेवा
मसुरे, ता. ३० : भाजपचे रत्नागिरी-सिंधुदुर्ग लोकसभा मतदार संघाचे उमेदवार नारायण राणे यांच्या विजयासाठी मसुरेतील भाजप आणि महायुतीमधील पक्षातील कार्यकर्त्यांनी ग्रामदैवत भरतेश्वरचरणी प्रार्थना करून विजयाचे साकडे घातले. या वेळी देवस्थान प्रमुख बाबूराव प्रभुगावकर यांनी श्रीफळ ठेवून प्रचाराचा प्रारंभ केला. मसुरे प्रभागात प्रत्येक बूथवर प्रचाराचा प्रारंभ करण्यात आला. या वेळी सरोज परब, शिवाजी परब, माजी उपसभापती छोटू ठाकूर, मसुरे माजी सरपंच लक्ष्मी पेडणेकर, ग्रामपंचायत सदस्य जगदीश चव्हाण, माजी पंचायत समिती सदस्य महेश बागवे, माजी ग्रामपंचायत सदस्य विलास मेस्त्री, सिद्धेश मसूरकर, सुरेश घाडीगावकर, ग्रामपंचायत सदस्य सचिन पाटकर, हरी ठाकूर आणि बहुसंख्य कार्यकर्ते उपस्थित होते. या वेळी उपस्थित कार्यकर्त्यांनी राणेंना या भागातून अधिकाधिक मताधिक्य देण्याचा निर्धार केला.