३ (टुडे पान १ साठी)

-rat२p९.jpg ः
P२४M८०९९९
राजापूर ः राजापूर रोडस्थानक.
------------

‘सोल्ये रोड स्थानकावरून
एसटी बसेस सोडा’
सकाळ वृत्तसेवा
राजापूर, ता. २ ः गेल्या काही वर्षामध्ये कोकण रेल्वेने प्रवास करणाऱ्‍या प्रवाशांची संख्या वाढली आहे; मात्र कोकण रेल्वेमार्गावरील तालुक्यातील सोल्ये येथील राजापूर रोड स्थानकावर आल्यानंतर मूळ गावी जाण्यासाठी फारशा गाड्या उपलब्ध होत नसल्याने चाकरमान्यांची परवड होते. स्टेशनवरून गावी जाण्याच्या प्रवासासाठी कोकण रेल्वेच्या प्रवाशापेक्षा दुप्पट पैसे मोजावे लागतात. त्यामुळे राजापूर एसटी आगार-शीळ-गोठणेदोनिवडे आंगलेमार्गे राजापूर रोड स्थानक अशी प्रायोगिक तत्त्वावर नवी बसफेरी सुरू करावी, अशी मागणी आंगले येथील सामाजिक कार्यकर्ते विलास राऊत, संजय सौंदळकर यांनी केली आहे.
राजापूर एसटी डेपो ते राजापूर रोड स्थानक व्हाया शीळ-गोठणे दोनिवडेमार्गे हातणकरवाडी-राघववाडी ते वाडेकर दुकान-आंगले सौंदळकरवाडी-राऊतवाडी-वरची राऊतवाडी-बौद्धवाडी-सरवणकरवाडी-नारकरवाडी-मांजरेकरवाडी-ब्राह्मणवाडी-कातळवाडी-शिंदेवाडी मार्गे सोल्ये- राजापूर रोड रेल्वेस्थानक या मार्गे एसटीची फेरी सुरू करणे गरजेचे आहे.
-------
गावात जाण्यासाठी दुप्पट खर्च

मुंबई ते राजापूर असा कोकणरेल्वेचा कमी खर्चाचा प्रवास असला तरी सोल्ये येथील कोकण रेल्वेच्या राजापूर स्थानकापासून पुढे आपल्या गावी जाण्यासाठी चाकरमान्यांना सुमारे पाचशे ते हजार रुपये मोजावे लागतात. त्यामुळे कोकण रेल्वेचा प्रवास बरा मात्र तेथून मूळ गावी जाण्याचा प्रवास नको, अशी म्हणण्याची वेळ चाकरमान्यांवर येते.
.