Ratnagiri News: बहिणीला आणायला रेल्वे स्टेशनला जाणाऱ्या तरुणाच्या दुचाकीला बांधखिंड येथे अपघात झाला. अपघातात कासारवेली येथील तरुण जागीच ठार झाला. ही घटना बुधवारी (ता. १) पहाटे तीनच्या सुमारास घडली.

पोलिसांकडून मिळालेल्या माहितीनुसार, यश सोलकर (३२, नारायणवाडी, कासारवेली, रत्नागिरी) असे मृत तरुणाचे नाव आहे. बुधवारी पहाटे बहिणीला आणण्यासाठी रेल्वेस्टेशनला दुचाकी घेऊन निघाला होता. पहाटे तीनच्या सुमारास बांधखिड येथे त्याच्या दुचाकीला अपघात झाला. यात तो जागीच ठार झाला. दरम्यान, हा अपघात नेमका कसा झाला याची माहिती अद्याप मिळालेली नाही. अपघाताची नोंद शहर पोलिस ठाण्यात करण्यात आली असून, पुढील तपास शहर पोलिस अंमलदार करत आहेत.