शिरवल येथील विठ्ठल रखुमाई
मंदिरात अखंड हरिनाम सप्ताह
कणकवली,ता. ३ः गुरुवर्य विवेकानंद (दादा) वासकर महाराज पंढरपूर यांच्या कृपार्शिवादाने व काशिनाथ फोकमारे महाराज, शेगाव यांच्या मार्गदर्शनाने श्री विठ्ठल रखुमाई मंदिर, शिरवल टेंबवाडी येथे श्री ग्रंथराज ज्ञानेश्वरी सामुदायिक पारायण, अखंड हरीनाम सप्ताह व ९ वा वर्धापनदिन सोहळा आदी कार्यक्रमांचे आयोजन केले आहे. येत्या ७ ते १४ मे या कालावधीत हा कार्यक्रम होणार आहे.
या सोहळ्याचे उद्घाटन ७ मे रोजी सकाळी ९.०० वाजत काशिनाथ फोकमारे महाराज यांच्या हस्ते तसेच सिंधुदुर्ग जिल्हा वारकरी सांप्रदाय यांच्या उपस्थितीत होणार आहे. काशिनाथ महाराज फोकमारे हे यावेळी मार्गदर्शन करणार आहेत. यावेळी गजर माऊलीचा उत्सव किर्तनाचा या कार्यक्रमाचे आयोजन केले असून ‌७ मे १३ या कालावधीत रोज रात्री ८ ते १० वाजता नामवंत किर्तनकार आपली किर्तनरुपी सेवा सादर करणार आहेत. यामध्ये ७ मे रोजी ओंकार सुर्यकांत सावंत, शिरवल, ८ मे रोजी रामचंद्र महाराज कदम, कुंदे, ९ मे रोजी भूषण महाराज वरखले आळंदी, १० मे रोजी नंदू महाराज तेलंगे रायगड, ११ मे रोजी श्रीकृष्ण घाटे महाराज, देवगड. १२ मे रोजी डॉ. रविंद्र महाराज तावडे कुडाळ आणि १३ मे रोजी काशिनाथ फोकमारे महाराज तर शेगांव १४ मे रोजी काशिनाथ फोकमारे महाराज, शेगांव हे किर्तन सादर करणार आहेत. भाविक भक्तांनी आणि वारकरी यांनी या कार्यक्रमाचा लाभ घ्यावा, असे आवाहन विश्वनाथ गवंडळकर महाराज आणि विश्वस्त मंडळ श्री विठ्ठल रखुमाई मंदिर ट्रस्ट, शिरवल यांच्यावतीने केले आहे.