३१ (पान ५ साठी, संक्षिप्त)

‘चेंबर ऑफ कॉमर्स’तर्फे
पुरस्कारासाठी आवाहन

सकाळ वृत्तसेवा
चिपळूण ः फेडरेशन ऑफ रत्नागिरी डिस्ट्रिक्ट चेंबर ऑफ कॉमर्स अँड इंडस्ट्रीज या संस्थेतर्फे रत्नागिरी जिल्ह्यातील उद्योजकांना विविध पुरस्कार देण्यात येणार असल्याची माहिती फेडरेशनचे वरिष्ठ उपाध्यक्ष राजू सावंत यांनी दिली.
रत्नागिरी जिल्ह्यातील उद्योजकांनी केलेल्या श्रमाचा, उद्योजकीय कौशल्याचा गौरव करणे, त्याचे अभिनंदन करणे, जिल्ह्याची अधिकाधिक औद्योगिक प्रगती व्हावी म्हणून प्रोत्साहन देण्यासाठी रत्नागिरी जिल्हा उद्योजकता पुरस्कार, जीवनगौरव पुरस्कार, सर्वोत्कृष्ट स्टार्ट पुरस्कार, रत्नागिरी जिल्हा उद्योजकता पुरस्कार, सामाजिक जबाबदारी पुरस्कार, जागतिक उद्योजक पुरस्कार आणि विशेष उद्योजकीय पुरस्कार देण्यात येणार आहेत. गतवर्षी हे पुरस्कार सुरू करण्यात आले आहेत. जिल्ह्यात कमीत कमी पाच वर्षे यशस्वीपणे औद्योगिक उत्पादन करून जिल्ह्याच्या औद्योगिक विकासात भर घालणाऱ्या उद्योजकाला पुरस्कार देण्यात येणार आहे. सर्वोत्कृष्ट स्टार्टअप् पुरस्कार, जागतिक उद्योजक पुरस्कार, विशेष उद्योजकीय पुरस्कार देण्यात येणार आहे. पुरस्कारासाठी उद्योजकाला स्वतः किंवा त्याच्यावतीने इतर कोणताही उद्योजक किंवा संघटनेला अर्ज करता येईल.