आंबोलीत आजपासून
कलशारोहण सोहळा
आंबोली : येथील श्री सती महालक्ष्मी देवी मंदिराचा जीर्णोद्धार, मूर्ती प्रतिष्ठापना, कलशारोहण सोहळा उद्या (ता. ११) दुपारपासून सुरू करण्यात येणार आहे. दुपारी सतीची वाडी येथून मूर्ती मिरवणुकीने सती मंदिर जकातवाडी येथे आणण्यात येणार आहे. शरीरशुद्धी, गणेश पूजन, अभिषेक, सायंकाळी भजनाचा कार्यक्रम, रविवारी (ता. १२) सकाळी प्रायश्चित विधी, गणेश पूजन, पुण्याहवाचन, होमहवन, यज्ञ, सतीस्थापना, कलशारोहण, मूर्ती प्रतिष्ठापना, अभिषेक, अक्षतारोहण, गाऱ्हाणे, आरती, महाप्रसाद आदी कार्यक्रम होणार आहेत. या मूर्ती प्रतिष्ठापना सोहळ्यास उपस्थित राहण्याचे आवाहन गावडे परिवाराने केले आहे.