swt1112.jpg
83007
बांदाः शहराला मुसळधार पावसाने झोडपून काढले. (छायाचित्रः नीलेश मोरजकर)

मुसळधार पावसाने
बांद्याला झोडपले
शेतकऱ्यांची तारांबळः आंबा, काजू बागायतदार हतबल
सकाळ वृत्तसेवा
बांदा, ता. ११ः बांदा शहर व परिसराला आज सायंकाळी विजांच्या गडगडाटासह मुसळधार पावसाने झोडपून काढले. अचानक आलेल्या पावसाने शेतकरी वर्गासह सर्वांचीच तारांबळ उडाली. या पावसाने आंबा, काजू बागायतदार मात्र हवालदिल झाले. अवकाळीच्या पहिल्याच दिवशी वीजपुरवठा खंडित झाला. वातावरणात गारवा निर्माण झाल्याने उष्म्याने हैराण झालेल्या नागरिकांना दिलासा मिळाला.
बांदा परिसरात आज दिवसभर ढगाळ वातावरण होते. हवामान विभागाने सिंधुदुर्ग जिल्ह्यात अवकाळी पावसाची शक्यता वर्तविली होती. आज दुपारपासूनच ढगाळ वातावरण होते. सायंकाळी विजा चमकण्यास सुरुवात झाली. सायंकाळी ६ वाजता मुसळधार पावसाला प्रारंभ झाला. अचानक आलेल्या पावसाने शेतकरी तसेच व्यापारी वर्गाची तारांबळ उडाली. सायंकाळी उशिरापर्यंत अवकाळी पावसाची झोड सुरूच होती.
बांदा शहरातील कट्टा कॉर्नर येथे सखल भागात पावसाचे पाणी साचल्याने वाहनचालकांना वाहन चालविताना त्रास होत होता.