मातोंड येथे गुरुवारी
जिल्हास्तरीय भजन स्पर्धा

सकाळ वृत्तसेवा
वेंगुर्ले, ता. १२ ः ईसोटी प्रासादिक मित्रमंडळ, मातोंड-भरभरेवाडीतर्फे गुरुवारी (ता. १६) जिल्हास्तरीय निमंत्रित भजन स्पर्धेचे आयोजन केले आहे. उद्‍घाटन सोहळा व सत्कार समारंभ कार्यक्रम सायंकाळी ६ वाजता, निमंत्रित भजन मंडळांचे सादरीकरण ७ वाजल्यापासून सुरू होणार आहे.
श्री देवी भवानी प्रासादिक भजन मंडळ, न्हावेली-रेवटेवाडी (बुवा अक्षय जाधव), महापुरुष प्रासादिक भजन मंडळ पिंगुळी (प्रसाद आंबडोस्कर), श्री देव रवळनाथ प्रासादिक भजन मंडळ पाडलोस (अजित गावडे), बाळगोपाळ प्रासादिक महिला भजन मंडळ हरकुळ खुर्द (आकांक्षा राणे), श्री देव रवळनाथ प्रासादिक भजन मंडळ पिंगुळी (रुपेश येमकर), श्री लिंगेश्वर पावणादेवी प्रासादिक भजन मंडळ जानवली (योगेश मेस्त्री), सद्गुरू प्रासादिक भजन मंडळ अणसूर (हर्षल मेस्त्री), श्री दत्त प्रासादिक भजन मंडळ वर्दे (नरेंद्र मेस्त्री), श्री देवी माऊली भजन मंडळ साटेली (सत्यनारायण कळंगुटकर) यांची भजने होणार आहेत. पारितोषिक वितरण सोहळा व तज्ज्ञ परीक्षकांचे सादरीकरण रात्री १२.३० वाजता होणार आहे. कार्यक्रमाचे निवेदन कवी नमाई सुभाष गंगाराम नाईक करणार आहेत. सांघिक व वैयक्तिक पारितोषिक मान्यवरांच्या हस्ते विजेत्यांना दिली जाणार आहेत. यावेळी उपस्थित राहण्याचे आवाहन ईसोटी प्रासादिक मित्रमंडळ, मातोंड, भरभरेवाडी यांनी केले आहे.