८३०१२
अमोल परब

मालवणात तरुणाचा
आकस्मिक मृत्यू

सकाळ वृत्तसेवा
मालवण, ता. १२ : शहरातील पर्यटन व्यावसायिक आणि शासकीय इलेक्ट्रिक कॉन्ट्रॅक्टर अमोल सुरेंद्र परब (वय ३६) यांचे शनिवारी निधन झाले. टोपीवाला हायस्कूलच्या २००३ च्या दहावी बॅचच्या स्नेहमेळावा सुरू असताना त्यांची प्रकृती बिघडली. त्यांना शहरातील खासगी रुग्णालयात दाखल करण्यात आले; मात्र उपचारापूर्वी त्यांचा मृत्यू झाला.
अमोल परब हे गेले दोन दिवस आपल्या बॅचमधील विद्यार्थ्यांसमवेत विविध कार्यक्रमात सहभागी झाले होते. शनिवारी सकाळी टोपीवाला हायस्कूलच्या मध्यवर्ती सभागृहात त्यांचा स्नेहमेळावा आयोजित केला होता. या मेळाव्यात सहभागी झाले असतानाच अचानक ते अत्यवस्थ होऊन कोसळले. त्यांना तत्काळ शहरातील खासगी रुग्णालयात उपचारासाठी हलवण्यात आले; मात्र उपचारापूर्वीच त्यांचा मृत्यू झाला. याबाबत येथील पोलिसात आकस्मिक मृत्यू म्हणून नोंद केली आहे. त्यांच्या मागे पत्नी, आई, वडील, भाऊ, भावजय, पुतणी असा परिवार आहे. परब यांच्या निधनामुळे टोपीवाला हायस्कूलचा माजी विद्यार्थी मेळावा संघटनेने स्थगित केला. सेवानिवृत्त एसटी अधिकारी सुरेंद्र परब, निवृत्त मुख्याध्यापिका सौ. परब यांचा ते मुलगा, हॉटेल व्यावसायिक प्रसाद परब यांचे भाऊ, माजी नगरसेविका संध्या परुळेकर व उद्योजक राजन परुळेकर यांचे जावई होत.