swt1412.jpg
M83578
पाडलोस : देवस्थानास पंखे प्रदान करताना मंडळाचे कार्यकर्ते.

पाडलोस रवळनाथ मंदिरास
मित्रमंडळाकडून दोन पंखे
सकाळ वृत्तसेवा
बांदा, ता. १४ः पाडलोस रवळनाथ मंदिरातील विविध धार्मिक कार्यक्रमांवेळी वाढत्या उष्म्यामुळे भाविकांना होणारा त्रास लक्षात घेऊन श्री देव रवळनाथ मित्रमंडळ, पाडलोस यांनी देवस्थानास दोन पंखे प्रदान केले. श्री देव रवळनाथ माऊली पंचायतन यांच्या वाढदिवसानिमित्त आयोजित कार्यक्रमात दिगंबर नाईक, दशरथ पंडित, दिलीप गावडे यांच्या हस्ते दोन स्टॅन्ड पंखे प्रदान करण्यात आले.
यावेळी मानकरी आनंद गावडे, सदानंद गावडे, अनिल गावडे तसेच ग्रामस्थ उपस्थित होते. रवळनाथ मित्रमंडळाने यापूर्वी भाविकांसाठी बसण्यासाठी बाकांची व्यवस्था केली होती. आता दोन पंखे देवाच्या चरणी अर्पण केल्याने मडुरा पंचक्रोशीत रवळनाथ मित्रमंडळाचे कौतुक होत आहे. सूत्रसंचालन अनंत गावडे यांनी केले. बंटी गावडे यांनी प्रास्ताविक करत मंडळाच्या कार्याची माहिती दिली. आभार निहार गावडे व गोविंद माधव यांनी मानले.