३४ (पान ४ साठी)

कासार कोळवण, करजुवे खाडीत
वाळू उपसा ः शेखर जोगळे
सकाळ वृत्तसेवा
संगमेश्वर, ता. १४ ः तालुक्यातील कासार कोळवण येथे बावनदी पात्रात जेसीबीचे साहाय्याने आणि करजुवे खाडीत आधुनिक यंत्राच्या सहाय्याने वाळू उपसा सुरू आहे. याबाबत शासनाने अनेक तक्रारी असूनही त्याकडे जाणूनबुजून दुर्लक्ष करण्यात येत आहे. महसूल विभागाने अवैध वाळू उपसा करणाऱ्यांवर त्वरित कारवाई करण्याची मागणी माहिती अधिकार कार्यकर्ता शेखर जोगळे यांनी केली आहे.
वाळू उपसा करण्यासाठी जेसीबी व सक्शन लावले जात आहेत. अवैध वाळू उपसामुळे शासनाचा महसूलही बुडत असून अधिकारीच महसूल बुडवत आहेत. याबाबत संगमेश्वर तालुक्यात संबंधित अधिकाऱ्यांविरोधात आवाज उठविणार असून अधिकारी हटाव संगमेश्वर बचाव अभियान राबविण्यात येणार असल्याचे व आंदोलन छेडणार असल्याचे माहितीचा अधिकार कार्यकर्ता महासंघाचे संगमेश्वर तालुक्याचे शेखर जोगळे यांनी सांगितले.

----------