83674
बांदा ः नट वाचनालयात छत्रपती संभाजी महाराज जयंतीप्रसंगी उपस्थित मान्यवर.

छत्रपती संभाजी महाराजांना
बांदा नट वाचनालयात वंदन

सकाळ वृत्तसेवा
बांदा, ता. १४ ः ‘‘छत्रपती संभाजी महाराज हे शूर योद्धा तर होतेच; मात्र ते उत्कृष्ट शासक व अभ्यासू होते. त्यांनी आपल्या अल्प कारकिर्दीत स्वराज्याचा दहापटीने विस्तार केला. त्यांची स्वराज्यनिष्ठा, धर्मनिष्ठा आताच्या पिढीने आत्मसात करून त्यांच्या विचारांची जपणूक करणे ही काळाची गरज आहे,’’ असे प्रतिपादन ज्येष्ठ विचारवंत अनंत भाटे यांनी येथे केले.
येथील नट वाचनालयातर्फे छत्रपती संभाजी महाराज यांच्या जयंती कार्यक्रमाचे आयोजन करण्यात आले. त्या वेळी आयोजित कार्यक्रमात उपस्थितांना मार्गदर्शन करताना श्री. भाटे बोलत होते. या वेळी नट वाचनालयाचे अध्यक्ष एस. आर. सावंत, उपाध्यक्ष नीलेश मोरजकर, सचिव राकेश केसरकर, अंकुश माजगावकर, संचालक जगन्नाथ सातोसकर, सुधीर साटेलकर, भूषण सावंत, यश माधव, सीताकांत नाईक, स्वप्नीता सावंत, प्रमिला नाईक, सुनील नातू, अमिता परब, ओंकार धुरी, नैतिक मोरजकर, निशांत मोरजकर आदी उपस्थित होते. मान्यवरांच्या हस्ते दीपप्रज्वलन व छत्रपती संभाजी महाराज यांच्या प्रतिमेला पुष्पहार अर्पण करून कार्यक्रमाची सुरवात करण्यात आली. राकेश केसरकर यांनी सूत्रसंचालन केले.