पान ५

डॉ. भावेंच्या वाढदिवसानिमित्त
वाकवली केंद्रात आरोग्य शिबिर
दाभोळ, ता. १५ : डॉ. बाळासाहेब सावंत कोकण कृषी विद्यापीठाचे कुलगुरू डॉ. संजय भावे यांच्या ६१ व्या वाढदिवसानिमित्त कोकण कृषी विद्यापीठ वाहनचालक संघटना, विस्तार शिक्षण विभाग, कृषी महाविद्यालय, वाकवली मध्यवर्ती संशोधन केंद्र आणि तालुका आरोग्य विभागातर्फे वाकवली येथील मध्यवर्ती संशोधन केंद्र येथे सर्व विभागांच्या अधिकारी, कर्मचारी व मजूर वर्ग यांच्यासाठी मोफत आरोग्य शिबिर आयोजित करण्यात आले होते.
उद्‍घाटनाला कुलगुरू डॉ. संजय भावे, संशोधन संचालक डॉ. प्रकाश शिनगारे, शिक्षण संचालक डॉ. प्रशांत बोडके, माजी विस्तार शिक्षण संचालक डॉ. प्रमोद सावंत, कृषी महाविद्यालयाचे सहयोगी अधिष्ठाता डॉ. मकरंद जोशी, विस्तार शिक्षण विभागप्रमुख डॉ. जगदीश कदम, तालुका आरोग्य अधिकारी डॉ. आशिष मार्कड, प्रक्षेत्र संचालक डॉ. अरुण माने, वैद्यकीय अधिकारी डॉ. श्रुतिका भाटकर, डॉ. प्रियांका शिंदे आणि वाहनचालक संघटनेचे अध्यक्ष श्री राकेश विचारे आदी उपस्थित होते. शिबिरामध्ये रक्त तपासणी, रक्तदाब व रक्तातील साखरेचे प्रमाण आदी तपासण्या करण्यात आल्या. एकूण १७९ अधिकारी, कर्मचारी व मजूर वर्ग यांनी शिबिराचा लाभ घेतला.
--------