83900
बाळा आकेरकर

बांद्यातील सेवा रस्ताप्रश्नी
प्रशासन तोडगा काढणार

आकेरकर ः पालकमंत्र्यांकडून दखल

सकाळ वृत्तसेवा
बांदा, ता. १५ ः उड्डाणपुलाच्या सेवा रस्ताप्रश्नी पालकमंत्री रवींद्र चव्हाण यांचे लक्ष वेधण्यात आले असून लवकरच याबाबत कायमस्वरूपी तोडगा काढण्याचे आश्वासन पालकमंत्री चव्हाण यांनी दिल्याची माहिती भाजपच्या ओबीसी सेलचे जिल्हा सरचिटणीस बाळा आकेरकर यांनी दिली.
येथे उड्डाणपुलाचे काम प्रगतीपथावर असून अरुंद सेवा रस्त्यामुळे ठेकेदार व अधिकाऱ्यांना स्थानिकांच्या रोषाला सामोरे जावे लागत आहे. गेल्या आठ दिवसांत यासंदर्भात ग्रामस्थांनी अनेकवेळा अधिकाऱ्यांना घेराओ घालत जाब विचारला आहे. मात्र, याबाबत अद्यापपर्यंत तोडगा निघाला नाही. यासंदर्भात श्री. आकेरकर यांनी पालकमंत्री चव्हाण यांच्या सचिवांशी चर्चा करत यासंदर्भात तोडगा काढण्याची मागणी केली आहे. निवडणूक पार पडल्यानंतर तात्काळ याविषयी सविस्तर चर्चा करून कायमस्वरूपी तोडगा काढण्याचे आश्वासन पालकमंत्री चव्हाण यांच्याकडून दिल्याचे श्री आकेरकर यांनी सांगितले.