२७ (टुडे २ साठी)

-rat१६p१९.jpg-
२४M८४००६
रत्नागिरी : राष्ट्रसेविका समितीच्या सक्षमीकरण प्रशिक्षण वर्गामध्ये बोलताना अॅड. प्रिया लोवलेकर.
------------

हिंदू धर्मात स्त्रियांना मानाचे स्थान

अॅड. प्रिया लोवलेकर ः सक्षमीकरण प्रशिक्षण वर्गाची सांगता
सकाळ वृत्तसेवा
रत्नागिरी, ता. १६ : द्रौपदीचे वस्त्रहरण झाले तेव्हा तिने जे पाच प्रश्न विचारले त्याच पाच प्रश्नांना भारतीय संविधानात महत्व आहे. आपल्या हिंदू धर्मात स्त्रियांना मानाचे स्थान दिले आहे. पैसा, बुद्धी आणि शक्ती यांच्या देवता स्त्रिया आहेत म्हणजेच आपल्या धर्मात स्त्रीचा आदर केला जातो हेच आपली संस्कृती शिकवते, असे प्रतिपादन कायदेविषयक सल्लागार, सामाजिक कार्यकर्त्या अॅड. प्रिया लोवलेकर यांनी केले.
राष्ट्रसेविका समितीच्या सक्षमीकरण प्रशिक्षण वर्गाच्या सांगता कार्यक्रमात त्या बोलत होत्या. या प्रसंगी दक्षिण रत्नागिरी बौद्धिक प्रमुख स्मिता अभ्यंकर प्रमुख वक्त्या होत्या. सुरवातीला ध्वजवंदन, प्रार्थना झाली. पाच दिवसाच्या वर्गामध्ये शिबिरार्थी मुलींना खूप शिकायला मिळाले. कार्यशाळेमुळे पत्रावळी बनवणे, आंब्याच्या कोयीपासून रोपे तयार करणे, ओरिगामी आदी विषयांचे प्रशिक्षण मिळाले. रोज वेगवेगळ्या चर्चासत्रातून आणि बौद्धिकातून नवीन आणि विविध विषयांचे ज्ञान मिळाले. त्या शिवाय सक्षमीकरण या विषयांतर्गत योग, व्यायाम, स्वसंरक्षणार्थ नियुद्ध याचे महत्व सांगून त्याचे वर्गात प्रशिक्षण दिले. सेविकांच्या शारीरिक व मानसिक बौद्धिक सक्षमीकरणाद्वारे समाजाचे सक्षमीकरण हा मुख्य उद्देश आहे. स्मिता अभ्यंकर यांनी मर्यादा पुरुषोत्तम राम यावर बौद्धिक सादर केले. श्रीराम कथा सहजसोप्या भाषेत सांगितली. मर्यादा पुरुषोत्तम राम का म्हणतात ते मुलींना समजावून सांगितले. रामासारखा संयम ठेवणे आपल्याला जमणे महत्वाचे आहे.