९ (टुडे पान १ साठी)

-rat१६p१७.jpg -
२४M८४००२
चिपळूण ः कार्यकारी अभियंत्यांशी चर्चा करताना काँग्रेसचे पदाधिकारी.
--------------

काँग्रेसची बांधकाम विभाग कार्यालयावर धडक

प्रलंबित विकासकामे ; अभियंत्यांशी चर्चा
सकाळ वृत्तसेवा
चिपळूण, ता. १६ : पावसाळ्याच्या तोंडावर तालुक्यातील रस्ता सुरक्षेच्यादृष्टीने चर्चा करण्यासाठी व प्रलंबित विकासकामांच्या पाठपुराव्यासाठी काँग्रेसच्या शिष्टमंडळाने माजी तालुकाध्यक्ष भरत लब्धे यांच्या नेतृत्वाखाली सार्वजनिक बांधकाम विभागाच्या कार्यालयावर धडक देत कार्यकारी अभियंता अमर रामसे यांच्याशी चर्चा केली.
चिपळूणमधील एन्रॉन पुलाच्या कामाची प्रगती, पाण्याचा निचरा व्हावा याकरिता मोऱ्या सफाई करणे, चालकांच्या माहितीसाठी फलक लावणे, कुंभार्ली घाटातील रस्त्याची तसेच इतर सुरक्षेच्यादृष्टीने असणारी कामे, शिरगाव-कुंभार्ली पुलाच्या कामाची प्रगती, ठेकेदारांच्या हलगर्जीपणामुळे होणारे अपघात, पिंपळी ते घाटमाथा रस्ता रूंदीकरण, ठेकेदारांकडून करण्यात येणारी निकृष्ट दर्जाची कामे आदी विषयांवर चर्चा करण्यात आली. कार्यकारी अभियंता अमर रामसे यांनी बैठकीला उपस्थित असणाऱ्या अभियंत्यांना अपूर्ण कामाच्या पूर्ततेसाठी सूचना केल्या. या वेळी सेवादलाचे जिल्हाध्यक्ष तुळशीराम पवार, सेवादलाचे तालुकाध्यक्ष इम्तियाज कडू, ओबीसी विभागाचे तालुकाध्यक्ष केशव लांबे, बाबा चव्हाण, महिला तालुकाध्यक्ष निर्मला जाधव, माजी नगरसेविका सफा गोठे, वीणा जावकर व सार्वजनिक बांधकाम विभागाचे अभियंते उपस्थित होते.
--------