३६ (पान ५ साठी)

दापोली बसस्थानकाच्या
काँक्रिटकरणास सुरू

दाभोळ, ता. १६ : दापोली बसस्थानकाच्या आवाराचे काँक्रिटीकरण करण्यात येणार असून, या कामाचा शुभारंभ दापोली आगाराच्या व्यवस्थापिका रेश्मा मधाळे यांच्या उपस्थितीत करण्यात आला आहे. पालकमंत्री उदय सामंत यांनी रत्नागिरी जिल्ह्यातील एसटी बसस्थानकाच्या आवाराचे काँक्रिटीकरण करण्यासाठी एमआयडीसीच्या माध्यमातून निधी उपलब्ध करून दिला. त्यात दापोली बसस्थानकाचाही समावेश आहे. सुमारे एक कोटी रुपये खर्च करून दापोली बसस्थानकाच्या आवाराचे काँक्रिटीकरण करण्यात येणार आहे. एस. बी. ठकाळ या ठेकेदाराच्या माध्यमातून या कामाचा शुभारंभ श्रीफळ वाढवून करण्यात आला. यावेळी आगार व्यवस्थापक रेश्मा मधाळे, लेखापाल सुशांत सावंत, वाहतूक निरीक्षक हर्षल नाफडे, वरिष्ठ लिपिक प्रणव रेळेकर, कार्यशाळा अधीक्षक मुनाफ राजापकर, वाहतूक नियंत्रक शशिकांत तटकरे, अजय बांद्रे, मिलिंद गोठणकर, अजित बाळ, लिपिक अमृत झिंगे, आदी उपस्थित होते.