जमिनीचे बनावट दस्तऐवज
बनविणाऱ्यास मुंबईतून अटक

सकाळ वृत्तसेवा
आचरा, ता. १९ ः जमिनीचे बनावट दस्तऐवज अन्य व्यक्तीच्या नावे बनवून रक्कम स्वीकारणारा फरार संशयित विनोद विवेक लाड (वय ४४, रा. आडवली भटवाडी) याला डोंबिवली-मानपाडा येथून गुरुवारी (ता.१६) ताब्यात घेण्यात आले. या प्रकरणी फिर्यादी देवेश रत्नाकर गोवेकर (रा. कोपरखैरणे, नवी मुंबई) यांनी आचरा पोलिस ठाण्यात २१ सप्टेंबर २०२३ ला तक्रार दाखल केली होती. त्यानुसार येथील पोलिस ठाण्यात गुन्हा दाखल करण्यात आला होता. गुन्हा दाखल झाल्यापासून संशयित लाड हा फरार होता. येथील पोलिस ठाण्याचे सहाय्यक पोलिस निरीक्षक सुनील जाधव यांच्या मार्गदर्शनाखाली सहाय्यक पोलिस उपनिरीक्षक महेश देसाई, पोलिस हवालदार मिलिंद परब यांनी डोंबिवली मानपाडा येथून गुरुवारी शिताफितीने ताब्यात घेत अटक करण्यात आली. लाड याला शुक्रवारी (ता.१७) न्यायालयात हजर केले असता २० मेपर्यंत पोलिस कोठडी सुनावण्यात आली आहे.