85342

प्राजक्त चव्हाण यांचा
कुडाळ येथे सत्कार
सकाळ वृत्तसेवा
कुडाळ, ता. २३ः कामगार दिनाचे औचित्य साधून श्रमिक कामगार संघटना महाराष्ट्रचे प्रदेश अध्यक्ष प्राजक्त चव्हाण यांचा लोकमान्य मल्टिपर्पज बँक शाखा कुडाळतर्फे शाल, श्रीफळ व सन्मानचिन्ह देऊन गौरव करण्यात आला. यावेळी बँक व्यवस्थापक श्री. सामंत यांनी चव्हाण यांच्या कार्याबाबत गौरवोद्गार काढले.
चव्हाण यांनी आपल्या बौद्धिक क्षमतेच्या जोरावर अनेक कामगारांच्या हक्कांसाठी व प्रश्नांसाठी मंत्रालय पातळीवर दाद मागून अन्याय दूर केला. कामगारांसाठी मिळणाऱ्या योजनांचा लाभ पूर्णपणे त्यांना मिळण्याकरिता प्रयत्न केले. त्यासाठी त्यांनी मंत्रालय दरबारी वेळोवेळी जाऊन तसेच जिल्हा प्रशासन अधिकारी वर्गालाही धारेवर धरले. चव्हाण हे कष्टकरी वर्गाला संघटित करून त्याच्या अस्तित्वाची दखल घ्यायला भाग पाडणारे कामगार नेते आहेत, असे प्रतिपादन त्यांनी केले. या सत्कार समारंभास राज्य अध्यक्ष पंढरी चव्हाण व बँक कर्मचारी उपस्थित होते.