एलटीटी ते थिविम नऊ तास उशिराने
कणकवली ः कोकण रेल्वे मार्गावरील जादा गाड्यांचे वेळापत्रक विस्कळीत झाले आहे. आज या मार्गावर धावणारी एलटीटी ते थिविम ही उन्हाळी हंगामातील रेल्वे गाडी तब्बल नऊ तास उशिराने धावत होती. एलटीटी (०११२९) येथून रात्री १०.१५ वाजता सुटणारी ही गाडी थिविमला सकाळी १० वाजता पोहोचते. मात्र, आज सायंकाळी सात वाजेपर्यंत ही गाडी थिविमला पोहोचली नव्हती. परतीसाठी गाडी क्र. ०११३० ही गाडी थिविम येथून सायंकाळी ४.३५ वाजता सुटते. आज या गाडीला नऊ तास उशीर झाला होता. गेले काही दिवस या गाडीचे वेळापत्रक विस्कळीत झाले आहे. यामुळे प्रवाशांना त्रास सहन करावा लागत आहे.