87523

‘स्विफ्ट एन लिफ्ट’ संस्थेतर्फे
संतोष कदम यांना पुरस्कार

सकाळ वृत्तसेवा
मालवण, ता. ३ : जिल्ह्यातील व्यावसायिक संतोष कदम यांना ‘स्विफ्ट एन लिफ्ट’ या मीडिया क्षेत्रात अग्रगण्य असलेल्या संस्थेच्या वतीने ‘कोल्हापूर उद्योजक सन्मान’ पुरस्कार देऊन सन्मानित करण्यात आले. कोल्हापुरातील एका हॉटेलमध्ये मराठी अभिनेत्री अक्षता देवधर यांच्या हस्ते हा पुरस्कार देऊन त्यांना सन्मानित करण्यात आले. ‘स्विफ्ट एन लिफ्ट’ ही मीडिया जगतातील अग्रगण्य असलेली संस्था असून, राज्यातील विविध ग्रामीण भागातील होतकरू उद्योजकांना, त्यांच्या उद्योगाला यश मिळावे त्याचबरोबर त्यांच्या उद्योगाची प्रसिद्धी व्हावी व त्याचा फायदा नवउद्योजकांना व्हावा, यासाठी संस्थेच्या वतीने उद्योग सन्मान पुरस्कार देऊन गौरविले जाते. आजपर्यंत या संस्थेकडून राज्यातील विविध भागात असे अठरा पुरस्कार वितरण कार्यक्रम आयोजित केले आहेत. सिंधुदुर्गातील व्यावसायिक संतोष कदम यांना हा पुरस्कार प्रदान करण्यात आला. या पुरस्कारासाठी समस्त कोल्हापूरवासीय आणि स्विफ्ट एन लिफ्ट संस्थेचे श्री. कदम यांनी आभार मानले. यावेळी महाराष्ट्र राज्यातील विविध भागातील अनेक नामवंत उद्योजक उपस्थित होते.