२० (पान ५ साठी, संक्षिप्त)

‘गोगटे’च्या माजी विद्यार्थ्यांचे
रविवारी स्नेहसंमेलन

रत्नागिरी ः गोगटे- जोगळेकर महाविद्यालयाच्या अकरावीच्या १९९० च्या कला शाखेच्या बॅचचे स्नेहसंमेलन ९ जूनला आयोजित केले आहे. महाविद्यालयाच्या (कै.) ज. शं. केळकर हॉलमध्ये सकाळी ११ ते सायंकाळी ५ वाजेपर्यंत हे संमेलन होणार आहे. स्नेहसंमेलनास १९९० साली अकरावी कला शाखेस विविध विषयांचे अध्यापन करणारे तत्कालीन प्राध्यापक उपस्थित राहणार आहेत. याप्रसंगी विविध गुणदर्शनाच्या कार्यक्रमांचेही आयोजन करण्यात आले आहे. १९९० साली कला शाखेत असलेल्या विद्यार्थ्यांनी स्नेहसंमेलनास उपस्थित राहण्याबाबत माजी विद्यार्थी चंद्रकांत मांडवकर, अॅड. दत्ता खानविलकर, कीर्ती सुर्वे-तळेकर, लीना घाडीगावकर, नितीन कारंबेळे, दिनेश रेमुळकर, दीपक खानविलकर, अभिजित शेट्ये, (जयस्तंभ, रत्नागिरी) येथे संपर्क साधावा, असे आवाहन आयोजकांतर्फे करण्यात आले आहे.
------
प्रिमियर लिगमध्ये
मंथन फायटर्स विजेता

हर्णै : दापोली तालुक्यातील माटवण पंचक्रोशी प्रिमियर लिग या क्रिकेट स्पर्धेत मंथन फायटर्स संघ विजेता संघ ठरला, तर महामाई कृपा उपविजेता ठरला. करजाई काळकाई संघाने तृतीय क्रमांक मिळवला. बक्षीस वितरणाला शहीद कॅप्टन नितीन प्रकाश चव्हाण यांचे आई-वडील श्री. व सौ. प्रकाश चव्हाण उपस्थित होते. स्पर्धेत आठ संघांनी सहभाग घेतला.
------