87586
मळेवाड ग्रामपंचायतीतर्फे
विद्यार्थ्यांना घरपोच दाखले
सकाळ वृत्तसेवा
मळेवाड, ता. ३ ः येथील दाखला शिबिराला तहसीलदार श्रीधर पाटील यांनी भेट देऊन उपक्रमाचे कौतुक केले. दहावी व बारावीच्या परीक्षांचा निकाल लागला असून, उत्तीर्ण विद्यार्थ्यांना पुढील प्रवेश प्रक्रियेसाठी लागणाऱ्या दाखल्यांसाठी मळेवाड येथील सुदर्शन सभागृहामध्ये ‘दाखला आपल्या दारी’ शिबिराचे आयोजन केले होते. या शिबिराला विद्यार्थ्यांनी उत्स्फूर्त प्रतिसाद दिला.
शिबिराला सावंतवाडी तहसीलदार पाटील यांनी भेट देत शासन आपल्या दारी उपक्रमांतर्गत घेतलेल्या या शिबिराचे कौतुक केले. हे शिबिर मळेवाड-कोंडुरे ग्रामपंचायतीचे उपसरपंच हेमंत मराठे यांच्या संकल्पनेतून व सहकार्याने आयोजित करण्यात आले. लाभधारक विद्यार्थ्यांना दाखले घरपोच देण्याची व्यवस्था उपसरपंच मराठे यांच्या माध्यमातून केली आहे. या शिबिरामुळे विद्यार्थ्यांचा वेळ व पैसा वाचला असून, तत्काळ दाखले मिळणार असल्याने ग्रामस्थ, पालक व विद्यार्थ्यांनी समाधान व्यक्त करत उपसरपंच मराठे यांचे विशेष आभार मानले. या शिबिराला मुळेवाड तलाठी अनुजा भास्कर व आजगाव मंडळ अधिकारी कोदे, सावंतवाडी तहसील कार्यालयातील सेतूचालक आकाश मिसाळ व त्यांचे कर्मचाऱ्यांचे विशेष सहकार्य लाभले.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates, मराठी ताज्या बातम्या, मराठी ब्रेकिंग न्यूज, मराठी ताज्या घडामोडी. And Live taja batmya on Esakal Mobile App. Download the Esakal Marathi news Channel app for Android and IOS.