घरबांधणी कामासाठी
माजी सैनिकास मदत

सकाळ वृत्तसेवा
सिंधुदुर्गनगरी, ता. ५ ः जिल्हा सैनिक कल्याण कार्यालयामार्फत माजी सैनिक संतोष लक्ष्मण गावडे (रा. आंबोली, ता. सावंतवाडी) यांना सैनिक कल्याण विभाग, पुणे यांच्या वतीने घरबांधणीकरिता ५० हजार रुपयांच्या आर्थिक मदतीचा धनादेश जिल्हा सैनिक कल्याण अधिकारी तथा निवासी उपजिल्हाधिकारी मच्छिंद्र सुकटे यांच्या हस्ते प्रदान करण्यात आला.
यावेळी जिल्हा सैनिक कल्याण कार्यालयाचे अधिकारी, कर्मचारी, सहायक जिल्हा सैनिक कल्याण अधिकारी उमेश आईर व लिपिक अनिल नाटलेकर आदी उपस्थित होते. जिल्ह्यातील पात्र शहिदांच्या वीरपत्नी, वीरमाता, वीरपिता, माजी सैनिक, माजी सैनिक विधवा पत्नी, अपंग माजी सैनिक, त्यांची अनाथ पाल्ये व अवलं‍बित यांनी अशा प्रकारच्या कल्याणकारी योजनांचा लाभ घ्यावा. अधिक माहितीसाठी संपर्क साधावा, असे आवाहन जिल्हा सैनिक कल्याण अधिकारी तथा निवासी उपजिल्हाधिकारी सुकटे यांनी केले आहे.