देवगडमध्ये मच्छीमाराचा आकस्मिक मृत्यू

सकाळ वृत्तसेवा
देवगड, ता. ५ : येथील एका तरुण मच्छीमाराचा मृत्यू झाला. प्रकाश विद्याधर पधान (वय २४, मूळ रा. ओडिसा, सध्या रा. देवगड) असे त्याचे नाव आहे. ही घटना मंगळवारी (ता. ४) रात्री सव्वा दोन वाजण्याच्या सुमारास घडली. याबाबत येथील पोलिस ठाण्यात आकस्मिक मृत्यू अशी नोंद करण्यात आली आहे. याबाबत पोलिसांनी दिलेल्या माहितीनुसार, प्रकाश पधान या मच्छीमारास अस्वस्थ वाटू लागल्याने उपचारासाठी येथील एका खासगी रुग्णालयात दाखल करण्यात आले होते; मात्र त्याचा मृत्यू झाला. घटनेची येथील पोलिस ठाण्यात नोंद करण्यात आली आहे. अधिक तपास पोलिस हवालदार उदय शिरगावकर करीत आहेत.