सकल मराठा समाजतर्फे
रविवारी गुणगौरव सोहळा
सावंतवाडी : येथील सकल मराठा समाजाच्या वतीने दहावी, बारावीच्या परीक्षेत यश संपादन करणाऱ्या विद्यार्थ्यांचा गुणगौरव सोहळा रविवारी (ता. ९) येथील यशवंतराव भोसले इंटरनॅशनल स्कूलच्या सभागृहात सायंकाळी ४ वाजता होणार आहे. या कार्यक्रमाला प्रमुख पाहुणे म्हणून माजी खासदार नीलेश राणे, युवा नेते उद्योजक विशाल परब, सावंतवाडी संस्थानचे युवराज लखमराजे भोसले, भोसले नॉलेज सिटीचे संस्थापक अध्यक्ष अच्युत भोसले, प्रांताधिकारी हेमंत निकम उपस्थित राहणार आहेत. यावेळी कणकवली, देवगड, मालवण, वेंगुर्ले, कुडाळ, दोडामार्ग येथील गुणवंत विद्यार्थ्यांचा पुरस्कार देऊन सत्कार करण्यात येणार आहे. शाल, श्रीफळ, सन्मानपत्र व सन्मानचिन्ह असे पुरस्काराचे स्वरूप असणार आहे. जास्तीत जास्त गुणवंत विद्यार्थ्यांनी उपस्थित राहावे, असे आवाहन केले आहे. नाव नोंदणी केलेल्या व ज्यांना नाव नोंदणी करणे शक्य झाले नाही, त्यांनीही मोठ्या संख्येने उपस्थित राहावे, असे आवाहन अध्यक्ष सीताराम गावडे, उपाध्यक्ष लक्ष्मण नाईक, सेक्रेटरी आकाश मिशाळ, खजिनदार समीर पाटकर यांनी केले आहे.