-rat७p६.jpg-
OP२४M८८६०९
राजापूर ः वृक्षारोपण करताना मनोहर खापणे आणि मान्यवर.
----------

खापणे महाविद्यालयात वृक्षारोपण

राजापूर, ता. ७ ः वाढत्या तापमानवाढीवर वृक्षारोपण हेच औषध असून आपण वृक्षारोपण केले पाहिजे. वड, पिंपळासारख्या देशी आणि दीर्घायुष्य असणाऱ्‍या वृक्षांची लागवड केल्यास प्रदूषण आणि तापमानाला आळा बसेल. वाढती जमिनीची धूप थांबेल. सर्वांनी वृक्षारोपणाचा ध्यास घेऊन देशी वृक्षांची लागवड करूया, असे आवाहन सह्याद्री परिसर शिक्षण प्रसारक मंडळाचे अध्यक्ष मनोहर खापणे यांनी केले.
मनोहर हरी खापणे महाविद्यालयात राष्ट्रीय सेवा योजना विभागातर्फे ‘जागतिक पर्यावरण दिनानिमित्ताने वृक्षारोपण कार्यक्रमाचे आयोजन करण्यात आले होते. या वेळी संस्थेचे माजी सरचिटणीस नारायण पांचाळ, नरेश पाचलकर, प्राचार्य डॉ. एम. ए. येल्लुरे, राष्ट्रीय सेवा योजना विभागप्रमुख डॉ. विकास पाटील, प्रा. मुग्धा देवरूखकर आदी उपस्थित होते. या प्रसंगी दहा वड आणि प्रत्येकी पाच पिंपळ आणि नारळ झाडांचे वृक्षारोपण करण्यात आले.