-rat८p२५.jpg-
P२४M८८८०४
रत्नागिरी : शिवाजीनगर येथे आस्था सोशल फाउंडेशनच्यावतीने वृक्षारोपण करणारे विद्यार्थी, पालक.
-----------
‘आस्था’च्या मुलांनी केले वृक्षारोपण

रत्नागिरी, ता. ८ : आस्था सोशल फाउंडेशन या संस्थेच्या मुलांनी आस्थाच्या परकार हॉस्पिटलसमोरील जागेत इमारतीच्या दुतर्फा वृक्षारोपण केले. या वेळी संस्थेच्या सचिव सुरेखा पाथरे यांनी आपण आपल्या मुलांना कशी सृष्टी देणार आहोत? असा प्रश्न पालकांना विचारला. दिवसेंदिवस वाढणारी उष्णता, पाणीटंचाई, अशुद्ध हवा यावर अतिशय परिणामकारक उपाय म्हणजे वृक्षारोपण होय. मुलांच्या वाढदिवसाच्या दिवशी झाडे लावूया, मुलांसोबत झाडांचेदेखील संगोपन करूया, असे सांगितले. या प्रसंगी मुलांचे पालक, मुले, स्थानिक नागरिक, पालिकेचे कर्मचारी आणि आस्थाचे कार्यकर्ते संकेत चाळके, संपदा कांबळे, शिल्पा गोठणकर, मयुरी जाधव, सुप्रिया कांबळे, मानसी ओर्पे, कल्पेश साखरकर उपस्थित होते.