‘ओझर-मसुरे वाहतूक
आंगणेवाडी मार्गे’
मालवण : ओझर-कांदळगाव-मसुरे मार्गांवरील तळाणी येथील पुलाचे काम पूर्ण झाले आहे. प्रगतीपथावर असणाऱ्या पोच मार्गाच्या कामांसाठी ओझर ते मसुरे मुख्य मार्गांवरील वाहतूक दहा दिवस बंद करून कांदळगाव-आंगणेवाडी मार्गे वळविण्यात आली आहे, अशी माहिती सार्वजनिक बांधकाम उपविभाग सहाय्यक अभियंता अजित पाटील यांनी दिली. ओझर-कांदळगाव मार्गावरील पुलाचे मुख्य काम हे भौतिक दृष्ट्या पूर्ण झाले असून, पोच मार्गाचे काम प्रगती पथावर आहे. हे काम करताना तात्पुरता वळण रस्ता तोडणे आवश्यक आहे. त्यामुळे रस्त्यावरील वाहतूक काम होईपर्यंत पूर्णपणे बंद करणे गरजेचे आहे. ओझर-कांदळगाव मार्गावरील ओझर ते मसुरे दरम्यानची वाहतूक पुढील दहा दिवस बंद करून ती आंगणेवाडी मार्गावरून वळवण्यात आली आहे. सर्वांनी प्रशासनाला सहकार्य करावे, असे आवाहन सार्वजनिक बांधकाम उपविभागाच्या अधिकाऱ्यांनी केले आहे.