यशवंतराव भोसले इन्स्टिट्यूटचे यश

पदविका अभियांत्रिकी परीक्षेत १९१ विद्यार्थी उत्तीर्ण

सकाळ वृत्तसेवा
सावंतवाडी, ता. २ : महाराष्ट्र राज्य तंत्रशिक्षण मंडळातर्फे पदविका अभियांत्रिकी परीक्षेचा निकाल जाहीर केला असून, येथील यशवंतराव भोसले इन्स्टिट्यूट ऑफ टेक्नॉलॉजीचा निकाल ९४ टक्के लागला आहे. तृतीय वर्ष पदविका अभियांत्रिकी परीक्षेसाठी कॉलेजमधून एकूण २०४ विद्यार्थी बसले होते. पैकी १९१ विद्यार्थी उत्तीर्ण झाले आहेत.
कॉलेजच्या सिव्‍हिल इंजिनिअरिंग विभागाचा निकाल १०० टक्के लागला आहे. यामध्ये बाळकृष्ण परब (८८.५३) याने प्रथम, आदित्य जडये (८७.७४) याने द्वितीय व दिव्या परब (८३.१६) हिने तृतीय क्रमांक प्राप्त केला. इलेक्ट्रिकल इंजिनिअरिंग विभागाचा निकालही १०० टक्के लागला. यात पूजा लांबर (८९.०६) हिने प्रथम, शार्दुल जोग (८५.५६) याने द्वितीय व वेदांगी नलावडे (८४.६१) हिने तृतीय क्रमांक प्राप्त केला. कॉम्प्युटर इंजिनिअरिंग विभागाचा निकाल ९६ टक्के लागला. स्टेफीरोज मोंटेरो (८९.८९) हिने प्रथम, सोनल गावडे (८८ टक्के) हिने द्वितीय व सुयश केरकर (८७.३७) याने तृतीय क्रमांक प्राप्त केला. कॉलेजच्या मेकॅनिकल इंजिनिअरिंग विभागाचा निकाल ८३ टक्के लागला. यात सुयोग जोशी (८८.४१) याने प्रथम, अनिरुद्ध नाईक (८६.८७) याने द्वितीय व शुभम मोडक (८४.७७) याने तृतीय क्रमांक प्राप्त केला आहे. संस्थेचे कार्याध्यक्ष अच्युत सावंत-भोसले, प्राचार्य डॉ. रमण बाणे, उपप्राचार्य गजानन भोसले, सिव्‍हिल विभागप्रमुख प्रसाद सावंत, इलेक्ट्रिकल विभागप्रमुख दीपक पाटील, कॉम्प्युटर विभागप्रमुख प्रशांत काटे व मेकॅनिकल विभागप्रमुख अभिषेक राणे यांनी विद्यार्थ्यांना शुभेच्छा दिल्या.
94309