शेडवर फांदी पडून
ओटवणेत नुकसान
सकाळ वृत्तसेवा
ओटवणे, ता. २ ः येथील रवळनाथ मंदिर परिसरातील औदुंबर वृक्षानजीक जीर्ण झालेल्या पायरीची मोठी फांदी मोडून लगतच्या पत्र्याच्या शेडवर पडली. यात शेडचे सुमारे २५ हजार रुपयांचे नुकसान झाले. ही घटना सोमवारी (ता. १) रात्री उशिरा घडली.
सुदैवाने औदुंबरचे छोटेखानी मंदिर यातून सुखरूप वाचले. घटनेची माहिती मिळताच तलाठी यू. व्ही. सोनवलकर यांनी भेट देत पाहणी केली. यावेळी देवस्थान कमिटीचे अध्यक्ष रवींद्र गावकर, पोलिसपाटील शेखर गावकर, नरेंद्र कविटकर, मिकी गावकर, राजाराम तावडे, अमोल गावकर आदी उपस्थित होते. जेसीबीच्या साहाय्याने ही मोठी फांदी हटविण्यात आली. यावेळी जेसीबीचालक संजय सावंत, बापू गावकर, धाकू झोरे यांनी सहकार्य केले.
94352