‘सांगुळवाडी’ची भाग्यश्री वळंजू
डी. फार्मसीत जिल्ह्यात प्रथम

सकाळ वृत्तसेवा
वैभववाडी, ता. ३ : महाराष्ट्र राज्य तंत्र शिक्षण मंडळातर्फे २०२४ मध्ये घेतलेल्या डी. फार्मसी परीक्षेत डी. फार्मसी इन्स्टिट्यूट, सांगुळवाडी या महाविद्यालयाची भाग्यश्री वळंजू जिल्ह्यात प्रथम आली. श्री अनगरसिद्ध शिक्षण प्रसारक मंडळाचे सांगुळवाडी येथे डी. फार्मसी महाविद्यालय आहे. या महाविद्यालच्या प्रथम वर्षाचा निकाल ९४.४४ टक्के, द्वितीय वर्षाचा निकाल ९६.९२ टक्के लागला. प्रथम वर्षामध्ये तृप्ती काळे (७८ टक्के), आदिती लाड (७७.५०), स्विटी राठोड (७७.९०) यांनी अनुक्रमे प्रथम तीन क्रमांक पटकावले. तर द्वितीय वर्षामध्ये भाग्यश्री वळंजू (८६.३६), साक्षी साळसकर (८५.१५), अमिषा चव्हाण (८४.३६) यांनी अनुक्रमे यश मिळविले. सर्व यशस्वी विद्यार्थ्यांचे संस्थेचे संचालक संदीप पाटील, प्रशासकीय अधिकारी सुधाकर येवले, प्रा. जीवन पाटील, आदींनी अभिनंदन केले.