कणकवली विद्यामंदिर
प्रशालेत सजली परसबाग

सकाळ वृत्तसेवा
कणकवली, ता.४ : शहरातील विद्यामंदिर माध्यमिक प्रशालेत एक एकर परिसरात विद्यार्थी, शिक्षक आणि शिक्षकेत्तर कर्मचाऱ्यांनी परसबाग लागवड केली आहे. विद्यार्थांना कृषी श्रमाचे महत्व समजावे, शेतीची आवड निर्माण व्हावी. तसेच कष्टाची जाणीव तयार व्हावी. या उद्देशाने प्रशालेत परसबाग उपक्रम राबविण्यात आल्‍याची माहिती मुख्याध्यपक पिराजी कांबळे यांनी दिली.
परसबाग लागवड उपक्रमाच्या शुभारंभावेळी प्रशालेच्या सौ.जाधव, ज्येष्ठ शिक्षक अच्युतराव वणवे तसेच इतर शिक्षक, शिक्षकेतर कर्मचारी उपस्थित होते. विद्यामंदिर प्रशालेच्या परसबागमध्ये वांगी, मिरची, दोडका, भेंडी, चिबूड आदींसह झेंडू, तुळस रोपे लावली आहेत. परसबागेतील भाजीपाला हा प्रामुख्याने मध्यान आहार योजनेत समाविष्‍ट केला जाणार असल्‍याची माहिती मुख्याध्यापक श्री.कांबळे यांनी दिली.
94579