बेशुद्धावस्थेत आढळलेल्या तरुणाचा मृत्यू
रत्नागिरी ः रत्नागिरी रेल्वेस्टेशन येथे बेशुद्धावस्थेत आढळलेल्या तरुणाला उपचारासाठी जिल्हा शासकीय रुग्णालयात दाखल केले होते. उपचारादरम्यान त्याचा मृत्यू झाला. शहर पोलिस ठाण्यात आकस्मिक मृत्यूची नोंद केली आहे. विनोद गणपत नवले (वय ३३, पत्ता माहीत नाही) असे मृत तरुणाचे नाव आहे. ही घटना मंगळवारी (ता. २) पहाटे जिल्हा शासकीय रुग्णालयात घडली. पोलिसांकडून मिळालेल्या माहितीनुसार विनोद नवले २८ जूनला सायंकाळी साडेसातच्या सुमारास रेल्वे कर्मचाऱ्यांना बेशुद्धावस्थेत आढळले. त्यांनी नवले यांना उपचारासाठी जिल्हा शासकीय रुग्णालयात दाखल केले होते.