94748

शिष्यवृत्ती परीक्षेत
अर्णव शिंदेचे सुयश
साडवली, ता. ४ : महाराष्ट्रीय शिक्षणसंस्था संचलित पी. एस. बने इंटरनॅशनल स्कूलचा अर्णव योगेश शिंदेने पाचवी शिष्यवृत्ती परीक्षेत अंतिम गुणवत्ता यादीत स्थान मिळवले. अर्णवच्या यशाबद्दल संस्था आणि प्रशालेतर्फे त्याचे अभिनंदन करून त्याला गौरविण्यात आले. विशेष म्हणजे सीबीएसई शाळांमधील विद्यार्थ्यांमधून महाराष्ट्रातून अर्णवने नववे स्थान पटकावले.
या परीक्षेत इंग्रजी माध्यमातून महाराष्ट्रातून एकूण ५३ विद्यार्थ्यांची अंतिम गुणवत्ता यादीमध्ये निवड झाली आहे. नियमित अभ्यास आणि अवांतर वाचनावर भर देत अर्णवने पाचवी शिष्यवृत्ती परीक्षेत कठोर परिश्रम घेत अभ्यास केला होता. अर्णवने प्राप्त केलेल्या यशाबद्दल प्रशालेतर्फे संस्था सचिव डॉ. सुभाष बने, डायरेक्टर रोहन बने, प्रशालेचे प्राचार्य सोमिनाथ मिटकरी, पर्यवेक्षक शिवानी यांनी अर्णवसह मार्गदर्शक शिक्षकांचे अभिनंदन केले.