९४७१७

सरस्वती विद्यामंदिरच्या
तीन विद्यार्थ्यांना शिष्यवृत्ती
रत्नागिरी, ता. ४ : पूर्व माध्यमिक शिष्यवृत्ती परीक्षेचा निकाल परीक्षा परिषदेने जाहीर केला. या परीक्षेत खानू येथील जि. प. सरस्वती विद्यामंदिर नं. १ या शाळेचे तीन विद्यार्थी गुणवत्ता यादीत आले. शाळेचा निकालही १०० टक्के लागला. निधी श्रीराम मावळणकर हिने तालुक्यात पाचवा क्रमांक, अनूज संजय सोलकर याने सहावा आणि सोहम संतोष सुवारे याने बारावा क्रमांक मिळवला.
गेल्या चार वर्षांपासून प्रत्येक वर्षी या शाळेचे विद्यार्थी गुणवत्ता यादीत येत आहेत. शैक्षणिक वर्ष २०२३-२४ नासा/इस्रो, नवोदय, मंथन, तालुकास्तरीय तसेच जिल्हास्तरीय क्रीडा स्पर्धा, शालेय परसबाग या सर्वच स्पर्धा परीक्षेमध्ये शाळेतील विद्यार्थ्यांनी यश संपादन केले. तिच यशाची परंपरा शिष्यवृत्ती परीक्षेतही यावर्षीही कायम राखली आहे. या सर्व विद्यार्थी, मार्गदर्शक शिक्षक विष्णू घोळवे, शिक्षक संजय शेलार, दत्तात्रय दरडी, करंबळेकर, मुख्याध्यापिका स्मिता जाधव यांचे अभिनंदन होत आहे. खानू केंद्राचे केंद्रप्रमुख गोविंद तारवे, झरेवाडी केंद्राचे केंद्रप्रमुख विष्णू पवार, हातखंबा बीटचे विस्तार अधिकारी दत्तात्रय सोपनूर, तालुका गटशिक्षणाधिकारी प्रेरणा शिंदे, ग्रामपंचायत खानू, शालेय व्यवस्थापन समिती खानू आदींनी अभिनंदन केले.