विद्यार्थिनी अर्पिता सामंतचा
भाजपतर्फे परुळेत सत्कार

सकाळ वृत्तसेवा
म्हापण, ता. ४ ः अण्णासाहेब देसाई विद्यामंदिर परुळे (ता. वेंगुर्ले) या प्रशालेची विद्यार्थिनी अर्पिता सामंत हिने माध्यमिक शालांत प्रमाणपत्र परीक्षा मार्च २०२४ च्या उत्तरपत्रिकेच्या पुनर्मुल्यांकनासाठी (फेरतपासणीसाठी) अर्ज केला होता. यात ३ गुण वाढल्याने तिचे एकूण गुण ५०० पैकी ५०० (१०० टक्के) झाले आहेत. फेरतपासणीनंतर तिचे शंभर टक्के गुण झाल्याने ती राज्यात प्रथम आली आहे. याबद्दल भाजपच्या माध्यमातून जिल्हाध्यक्ष प्रभाकर सावंत यांनी शाल, पुष्पगुच्छ व रोख रकमेचे पारितोषिक देऊन सत्कार केला. यावेळी भाजप जिल्हा सरचिटणीस रणजित देसाई, जिल्हा उपाध्यक्ष प्रसन्ना उर्फ बाळू देसाई, तालुकाध्यक्ष सुहास गवंडळकर, माजी सभापती घनःश्याम उर्फ नीलेश सामंत, कुशेवाडा सरपंच नीलेश सामंत, परुळेबाजार उपसरपंच राजू दुधवडकर, जिल्हा कार्यकारिणी सदस्य वसंत तांडेल, सरपंच संघटनेचे विष्णू उर्फ पपू परब, माजी सरपंच प्रदीप प्रभू, बुथ प्रमुख गणपत माधव, ओबीसी सेलचे शरद मेस्त्री, सुधीर ठाकूर, ग्रामपंचायत सदस्य सीमा सावंत, सुधीर पेडणेकर आदी उपस्थित होते.
94783