rat५p१८.jpg-
२४M९४९३६
रत्नागिरी : सायबर पोलिस ठाण्याला भेट देणारे गोगटे-जोगळेकर महाविद्यालयातील विद्यार्थी. या विद्यार्थ्यांना प्रमाणपत्र देताना सायबर पोलिस.

सायबर पोलिस ठाण्याला
गोगटेच्या विद्यार्थ्यांची भेट

सकाळ वृत्तसेवा
रत्नागिरी, ता. ५ : सायबर जागरूकता दिवसाचे औचित्य साधून गोगटे- जोगळेकर महाविद्यालयातील संगणकशास्त्र आणि आयटी विभागातील २० विद्यार्थ्यांनी रत्नागिरी येथील सायबर पोलिस ठाण्याला भेट दिली. विद्यार्थ्यांनी तिथे गेल्यानंतर सायबर जगतात कोणकोणते गुन्हे आहेत त्याबद्दलची माहिती घेतली.
क्विक हील फाउंडेशन (पुणे) आणि गोगटे-जोगळेकर महाविद्यालय यांच्यामध्ये सामंजस्य करार झाला आहे. त्या कराराअंतर्गत हे सर्व विद्यार्थी रत्नागिरी जिल्ह्यामधील शाळा आणि महाविद्यालयांमध्ये जाऊन सायबर शिक्षा फॉर सायबर सुरक्षा या अभियानाअंतर्गत सायबर जागरूकतेबद्दल प्रशिक्षण देणार आहेत. त्याकरिता सुरवात म्हणून विद्यार्थी सायबर पोलिस ठाण्याकडे माहिती घेण्यासाठी गेले. या अभियानासाठी रत्नागिरी जिल्हा पोलिसदलातर्फे पोलिस अधीक्षक धनंजय कुलकर्णी व अप्पर पोलिस अधीक्षक जयश्री गायकवाड यांच्या अधिपत्याखाली सायबर पोलिस ठाण्याचे पोलिस निरीक्षक अमित यादव, सहाय्यक पोलिस निरीक्षक नितीन पुरळकर, पोलिस हवालदार रामचंद्र वडार, पोलिस हवालदार निशा केळकर, पोलिस हवालदार श्रीया साळवी यांनी याबाबत सखोल मार्गदर्शन केले.
गोगटे-जोगळेकर महाविद्यालयाचे प्राचार्य डॉ. मकरंद साखळकर, शास्त्रशाखेच्या उपप्राचार्या डॉ. अपर्णा कुलकर्णी, संगणकशास्त्र आणि आयटी विभागाच्या समन्वयक प्रा. अनुजा घारपुरे यांनी या अभियानाला शुभेच्छा दिल्या. गणकशास्त्र विभागप्रमुख प्रा. अमोल सहस्रबुद्धे आणि या अभियानाचे शिक्षक प्रतिनिधी प्रा. केतन जोगळेकर यांनी हे अभियान व्यवस्थितरित्या होण्याची ग्वाही दिली.