कासार्डेचे दूरक्षेत्र
पाण्याखाली
तळेरे ः मुंबई-गोवा महामार्गावरील कासार्डे दूरक्षेत्र रविवारी पडणाऱ्या मुसळधार पावसामुळे पाण्याखाली गेले. दरवर्षी ही समस्या जाणवत असून शासन आणि पदाधिकारी याकडे दुर्लक्ष करत आहेत. कासार्डे दुरक्षेत्राच्या अंतर्गत बेळने, नांदगाव, कासार्डे, तळेरे, दारुम, ओझरम, असलदे, कोळोशी, आयनल, पियाळी अशी १० गावे येतात. शिवाय या महामार्गावरील एक महत्त्वाचे दूरक्षेत्र आहे. या दूरक्षेत्राच्या मागून ओढा वाहत असून महामार्गाच्या चौपदरीकरण कामाच्या चुकीच्या पद्धतीमुळे दरवर्षी या परिसरात पाणी भरते. यामुळे पूर्णतः सेवा मार्गावरील वाहतूकही बंद होते. याकडे शासन लक्ष देत नाही, पदाधिकारी गांभीर्याने पाहत नाहीत. महामार्ग प्राधिकरणची चूक मात्र प्रवाशी, पादचारी आणि ग्रामस्थांना भोगावी लागत आहे. या परिसरात पाणी साठल्याने आऊटपोस्ट मध्येही पाणी भरते. महामार्ग प्राधिकरणाच्या काही चुकांमुळे अनेक ठिकाणी पाणी साचत आहे. यामुळे प्रचंड नुकसान सहन करावे लागत आहे.
95529