95991

नीलेश राणेंनी केली
आंबेरी पुलाची पाहणी
सकाळ वृत्तसेवा
कुडाळ, ता. १०ः सिंधुदुर्गात झालेल्या अतिवृष्टीमुळे तालुक्यातील माणगाव खोऱ्याला जोडणाऱ्या सर्वात महत्त्वाच्या निर्मला नदीवरील आंबेरी येथील जुन्या पुलाचा काही भाग खचून वाहतूक बंद झाली होती. या ठिकाणी नवीन पूल उभारणी होऊन देखील जोडरस्ते व इतर काही अडचणींमुळे हा पूल वाहतुकीसाठी अद्याप खुला झालेला नाही.
या पार्श्वभूमीवर आज भाजपा नेते माजी खासदार नीलेश राणे यांनी आंबेरी येथे भेट देऊन पुलाची पाहणी केली. यावेळी सार्वजनिक बांधकाम विभागाचे अधिकारी उपस्थित होते. पुलाच्या बांधकामासंदर्भात सर्व माहिती घेऊन नव्याने बांधकाम झालेला पूल वाहतुकीसाठी खुला व्हावा, यासाठी जोडरस्त्यांची कामे तत्काळ पूर्ण करून वाहतुकीसाठी खुला करण्याच्या सूचना संबंधित अधिकाऱ्यांना दिल्या. यावेळी कुडाळ मंडल संजय वेंगुर्लेकर, माजी सभापती मोहन सावंत, जिल्हा बँक संचालक प्रकाश मोर्ये, राजा धुरी, जोसेफ डान्टस, सचिन धुरी, दीपक काणेकर, कृष्णा सावंत, दीपक खरात आदी उपस्थित होते.