-rat१०p३६.jpg-
२४M९६२२८
रत्नागिरी : मत्स्य महाविद्यालयात राष्ट्रीय मत्स्य संवर्धक दिनानिमित्त कोळंबी संवर्धकांचे अभिनंदन करताना डॉ. सुधाकर इंदुलकर.
---------

राष्ट्रीय मत्स्य संवर्धक दिन साजरा

सकाळ वृत्तसेवा

रत्नागिरी, ता. ११ : शिरगांव मत्स्य महाविद्यालय राष्ट्रीय मत्स्य संवर्धक दिन साजरा करण्यात आला. मत्स्य महाविद्यालयाने चार दिवसांपूर्वीच कोळंबी बीज संचयन केलेल्या महाविद्यालयाच्या आवारातील संवर्धन तलाव येथे कार्यक्रम आयोजित केला होता.
मत्स्य महाविद्यालयाचे माजी विद्यार्थी आणि सद्या कोळंबी संवर्धन क्षेत्रात रत्नागिरी परिसरात कार्यरत असलेले कोळंबी संवर्धक भूपेंद्र परब, आकाश बंडागळे, अनिकेत निवदेकर, नीलेश सावंत, आकाश नाचरे, संकेत हळदणकर यांना आमंत्रित करण्यात आले होते. या सर्वांचे स्वागत आणि त्यांच्या व्यावसायिक यशाबद्दल अभिनंदन करण्यात आले. कार्यक्रम मत्स्य महाविद्यालयाच्या मत्स्य संवर्धन व मत्स्य जलशास्त्र विभागाच्या संयुक्त विद्यमाने आयोजित करण्यात आला होता. प्रास्ताविक डॉ. मिलिंद सावंत यांनी केले. मत्स्य संवर्धन विभागप्रमुख डॉ. अनिल पावसे यांनी विद्यार्थ्यांना कोळंबी संवर्धनाबाबत शास्त्रीय माहिती दिली. मत्स्य महाविद्यालयाचे सहयोगी अधिष्ठाता डॉ. सुधाकर इंदुलकर यांनी मत्स्य संवर्धक दिनाचे महत्व विषद केले. विद्यार्थ्यांनी कोळंबी संवर्धन क्षेत्रात उतरून उद्योजक म्हणून आपली ओळख निर्माण करावी, अशी अपेक्षा व्यक्त केली. सूत्रसंचालन डॉ. गजानन घोडे यांनी केले.
--------