-rat९p२६.jpg -
२४M९५८७९
चिपळूण ः डॉ. चेतन पाटील यांचा सन्मान करताना रोटरीचे पदाधिकारी.
----------

डॉक्टर्स, सीए यांचा
रोटरीतर्फे गौरव

चिपळूण : येथील रोटरी क्लब ऑफ चिपळूणतर्फे डॉक्टर्स डे व सीए डे साजरा करण्यात आला. नवनिर्वाचित अध्यक्ष अविनाश पालशेतकर यांच्या अध्यक्षतेखाली पहिला उपक्रम घेण्यात आला. या वेळी सचिव राजेश, खजिनदार स्वप्नील चिले उपस्थित होते. डॉक्टर डे व सीए डे साजरा करताना रोटरीचे सभासद डॉ. रत्नाकर घाणेकर, डॉ. विकास नातू, डॉ. अतीन अवताडे, डॉ. ओंकार शर्मा, डॉ. अमेय बेडेकर, डॉ. नोमान अत्तार, डॉ. कवठेकर, डॉ. शोएब खतीब, डॉ. चेतन पाटील, सीए विवेक रेळेकर सर यांचा सन्मान करण्यात आला. या वेळी डॉ. विकास नातू व सीए विवेक रेळेकर यांनी मार्गदर्शन केले. या कार्यक्रमास वैभव रेडीज, राजीव गांधी, प्रसाद सागवेकर व इतर उपस्थित होते.
--------------
किरबेट केंद्रशाळेत
संगणक कक्षाचे उद्‍घाटन

साखरपा ः नजीकच्या किरबेट येथील केंद्रशाळेत संगणक कक्षाचे उद्घाटन करण्यात आले. नवीन पिढी संगणक साक्षर व्हावी या उद्देशाने हा कक्ष तयार करण्यात आला आहे. आगामी काळात संगणक हे एक जागतिक माहितीचे केंद्र बनणार आहे. संगणक साक्षरता हा नवीन आयाम निर्माण होण्यास प्रारंभ झाला आहे. यात नवीन पिढी मागे राहायला नको या विचारातून किरबेट येथील केंद्रशाळेत विद्यार्थ्यांसाठी नवीन संगणक कक्षाचे उद्घाटन नुकतेच करण्यात आले आहे. विशेष म्हणजे ग्रामस्थांनी कोणतेही शासकीय अनुदान न घेता केवळ लोकसहभागातून या कक्षाची निर्मिती केली आहे. कक्षाच्या उद्घाटन प्रसंगी उद्योजक अमोल भोजने उपस्थित होते. साखरपा केंद्राच्या केंद्रीय प्रमुख दिव्या भाटकर, माजी केंद्रीय प्रमुख रामचंद्र कुवळेकर, सामाजिक कार्यकर्ते अशोक पत्की, उद्योजक विठोबा गोरूले, मुख्याध्यापिका अरूणा सावंत, शाळा व्यवस्थापन समितीचे सर्व सदस्य आणि पालक उपस्थित होते.