rat२७p१५.jpg -
P२४N०७३०४
गुहागर - प्रथमोपचार पेटी वाटपप्रसंगी गुरूदास साळवी, माजी मुख्याध्यापक प्रकाश बापट, रवींद्र कानिटकर, नाना पालकर व अन्य.

पालशेतमधील ग्रामस्थांना प्रथमोपचार पेटी

सकाळ वृत्तसेवा
गुहागर, ता. २७ : तालुक्यातील पालशेत येथील आम्ही कोकणस्थ पालशेतचे संस्थापक अध्यक्ष गुरूदास मदन साळवी यांच्यावतीने गावातील २७० ग्रामस्थांना व जिल्हा परिषद शाळा, अंगणवाडी सेविका, आशासेविका यांनाही प्रथमोपचार पेटीचे वाटप करण्यात आले.
पालशेत हायस्कूलमधील सभागृहात हा कार्यक्रम झाला. यावर्षी कोकणस्थ पालशेतच्यावतीने मोफत नेत्रतपासणी व मोफत चष्मा वाटप कार्यक्रम घेण्यात आले. त्यामध्ये एकूण १७४ ग्रामस्थ सहभागी झाले होते तसेच चांगल्या प्रतीचे ७० चष्मे मोफत देण्यात आले. संस्थेच्यावतीने तालुकास्तरीय दिवस-रात्र क्रिकेट स्पर्धा भरवण्यात आली. जनसेवा हीच ईश्वरसेवा या ब्रीदवाक्याने या संस्थेचे काम चालू आहे. यापुढे ग्रामस्थांच्या आरोग्याविषयी जे जे करणे शक्य आहे ते प्रामाणिकपणे करण्याचा प्रयत्न करेन, असे आश्वासन गुरूदास साळवी यांनी दिले. या कार्यक्रमाला पाटपन्हाळे हायस्कूलचे माजी मुख्याध्यापक प्रकाश बापट, रवींद्र कानिटकर, आरोग्यसेविका अंकिता पालकर, नाना पालकर, नीलेश विखारे, श्रीकांत फणसे आदी उपस्थित होते.