07418
07419
------------
राजापुरात गोविंदा पथकांचा गौरव
राजापूर, ता. २७ः आगामी दोन महिन्यांनी विधानसभेच्या निवडणुका येऊ घातल्या आहेत. पारंपरिक, आरोग्य, शैक्षणिक, क्रीडा अशा विविध क्षेत्रांमध्ये प्रोत्साहन देऊन आपल्या पाठीशी भक्कमपणे उभे राहणारे सिंधुरत्न समृद्ध समितीचे सदस्य किरण सामंत यांच्या उपस्थितीत पुढच्या वर्षीची राजापूरमधील राजकीय हंडी फोडाल, अशी अपेक्षा पालकमंत्री उदय सामंत यांनी व्यक्त केली.
जवाहर चौकामध्ये झालेल्या दहीहंडी स्पर्धेत लक्षवेधी मानवी थरांचे मनोरे उभे करणाऱ्या गोविंदा पथकांना पालकमंत्री सामंत यांच्या हस्ते गौरवण्यात आले. या वेळी किरण सामंत, अशफाक हाजू, बाबू म्हाप, राजू कुरूप, संजय ओगले, अ‍ॅड. जमीर खलिफे, सौरभ खडपे आदी उपस्थित होते.