07460

खेडमध्ये ४५० हून अधिक दहीहंड्या
सकाळ वृत्तसेवा
खेड, ता. २७ : खेडमध्ये दहीहंडीचा जल्लोष पाहायला मिळाला. पावसाच्या रिमझिम सरीत बालगोपाळांनी दहीहंडी फोडण्यासाठी शहरातील चौकाचौकात गर्दी केलेली दिसून आली. खेड येथील तीनबत्ती नाका, भाऊसाहेब पाटणे व्यापारी संकूल, शिवाजीचौक या ठिकाणी दहीहंडी फोडण्यासाठी खेड शहरासह विविध ग्रामीण भागातील अनेक गोविंदा पथकांनी गर्दी केली. यामध्ये महाराष्ट्र नवनिर्माण सेना आणि शिवसेना (शिंदे गट) यांचा दहीहंडी उत्सव हा लक्षवेधी ठरला.
बाळगोपाळांसह प्रेक्षक वर्गासाठी प्रश्नमंजुषा स्पर्धा ठेवल्या होत्या. दहीहंडी उत्सवात सांस्कृतिक कार्यक्रमांचेही आयोजन केले होते. दहीहंडीनिमित्ताने खेडमध्ये राजकीय पक्षांची रस्सीखेच पाहायला मिळाली. शहरासह ग्रामीण भागात मंगळवारी ४५० हून अधिक दहीहंड्या फुटल्या. यामध्ये १२ सार्वजनिक दहीहंड्यांचा समावेश आहे. १५हून अधिक गोविंदा पथकांनी सलामी देऊन हंडी फोडण्याचा प्रयत्न केला. शहरात मनसे, शिवसेना, उबाठा, भाजपकडून लाखोंच्या दहीहंड्या उभारल्या होत्या.