-rat३०p९.jpg-
२४N०८०५३
रत्नागिरी : शिरगाव शिवरेवाडी रस्त्याची दयनीय अवस्था.
--------------
शिरगाव-शिवरेवाडी रस्ता दुरुस्तीची मागणी

सकाळ वृत्तसेवा
रत्नागिरी, ता. ३० : गणेशोत्सव काही दिवसांवर येऊन ठेपला आहे; मात्र शहराजवळील शिरगाव-शिवरेवाडी येथील रस्त्याची डागडुजी केलेली नाही, ही बाब लक्षात घेऊन ग्रामस्थ तन्मय दाते यांनी या रस्त्याची दुरुस्ती करावी, अशी मागणी निवेदनाद्वारे केली आहे. सरपंच यांच्यावतीने ग्रामविकास अधिकारी वासुदेव सावके यांनी हे निवेदन स्वीकारले. दाते यांनी दिलेल्या निवेदनात म्हटले आहे की, मी शिरगाव ग्रामस्थ असून शिवरेवाडी येथील प्रमुख रहदारीचा रस्ता गेले सहा ते सात महिने दुरवस्थेत आहे, रस्त्याला खड्डे की खड्ड्यात रस्ते हेच कळेनासे झाले आहे.
आगामी गणेशोत्सव हा सण अवघ्या काही दिवसांवर आला आहे. गणेशोत्सवासाठी येणाऱ्या भाविकांचा प्रवास सुखकर होण्यासाठी लवकरात लवकर रस्ता खड्डेमुक्त करावा, अशी मागणी केली. शिरगाव ग्रामपंचायतीचे उपसरपंच अल्ताफ संगमेश्वरी यांनी या निवेदनाची दखल घेतली आहे. गणपतीपूर्वी रस्ता खड्डेमुक्त करणार आहे तसेच डिसेंबरपर्यंत संपूर्ण रस्त्यावर चांगल्या दर्जाचे डांबरीकरण केले जाईल, अशी ग्वाही दिली.