कणकवलीत प्रौढाची आत्‍महत्‍या
कणकवली : शहरातील पटकीदेवी मंदिरालगतचे रहिवासी गणेश प्रभाकर मोहोरकर (वय ४८) यांनी आज राहत्‍या घरात गळफास लावून आत्‍महत्‍या केली. दुपारी अडीचच्या सुमारास ही घटना उघडकीस आली. याप्रकरणी त्‍यांचा मुलगा गंधर्व मोहोरकर (वय १९) याने कणकवली पोलिसांत फिर्याद दिली. यात म्हटले आहे की, मृत गणेश मोहोरकर जेवण झाल्‍यानंतर खोलीत झोपण्यासाठी गेले होते. दुपारी अडीचच्या सुमारास त्यांचा मुलगा त्‍या खोलीत गेला असता, त्‍याला छपराच्या अँगलला नायलॉन दोरीने गळफास लावलेला गणेश मोहोरकर यांचा मृतदेह दिसून आला. या घटनेचा अधिक तपास कणकवली पोलिस करत आहेत.