९२९९

मळगाव हायस्कूलमध्ये
मुलांना स्वरक्षणाचे धडे
सकाळ वृत्तसेवा
सावंतवाडी, ता. ४ ः महिलांनी आपले संरक्षण कशा प्रकारे करावे, यासंदर्भात ॲड. निधी दाभोळकर यांनी मळगाव इंग्लिश स्कूल मळगाव येथे विद्यार्थ्यांना सविस्तर मार्गदर्शन केले. मुली अथवा महिलांनी एखाद्या घटनेला पाठीशी न घालता त्यावर वेळीच आवर घालून देखील समाजामध्ये होणाऱ्या अनेक गैरप्रकारांना आपण आळा घालू शकतो, या संदर्भात बहुमूल्य असे मार्गदर्शन केले. कार्यक्रमासाठी संस्थेचे चेअरमन मनोहर राऊळ, मुख्याध्यापक फाले, पर्यवेक्षक सुनील कदम, सर्व शिक्षिका उपस्थित होत्या. कार्यक्रमाचे प्रास्ताविक श्रीम. मातोंडकर यांनी केले. आभार प्रदर्शन श्रीम. गोसावी यांनी केले. कार्यक्रमाला विद्यार्थ्यांचा उत्स्फूर्त सहभाग दिसून आला.